Kreßdaach un de Pandemie
Ein Gedicht von Helmut Zarges
- Foto: Serkan Gürlek
- hochgeladen von RAG - Redaktion
Kreßdaach un de Pandemie.
Oh leever Jott, ich kann nit mih!
Dat Janze doort ald bahl en Johr,
de Lück han Angs, dat es doch klor.
De Minsche jon sich us dem Wäch,
han all ne Lappe vörm Jeseech,
dun Afstand halde, Häng enrieve
dat alles, öm jesund ze blieve
Ahl Lück un Kranke sin allein,
ohne Besöck, dä bliev derheim.
Mer traut sich kaum eruus ze jon,
un triff mer sich, bliev kei Minsch ston.
De Pänz han kein Zint Mätes-För,
un Kreßdaach steiht koot vor der Dör.
Su kann et doch nit wigger jon.
Herrjott, dat muß de doch verston!
No bes ens höösch und weed janz stell,
et Kreßkind der jet sare well:
Kressdaach es doch üvverall,
nit nor en Bethlehem em Stall.
Leev Kreßkind, kumm un beß esu jot
un jev uns all vill Levvensmot,
su halt uns faß an beidse Häng
un maach däm Troorspill en Eng.
Vum Himmel beß do uns jescheck,
dröm halt uns hück och all em Bleck
un bliev uns treu, verloß uns nie,
behöt uns in d´r Pandemie.
Verjnöchte Fierdäch un
Gesegnete Weihnachten 2020
Helmut Zarges, Dezember 2020
Redakteur/in:RAG - Redaktion |
Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.