Redakteur/in

Zom Neue Johr 2021
Ein Gedicht von Helmut Zarges

Jetz es et fott, dat ahle Johr,
et wor nit jot, dat es doch klor.
Esu ärch wor et ald lang nit mih,
der Kopp es voll met Pandemie.

Su kann et doch nit wigger jon.
Dat muss do, Herjott, doch verston:
Mer bidden dich, beß doch esu jot,
un schenk uns all vill Kraff un Mot

Mer bruchen all vill Sonnesching,
nit nor die Minsche he am Ring.
Un och vill Rän, söns weed et drüch,
kapott jon Bäum un et Jebösch.

Maach flöck vör uns de Himmel op,
un sähn uns all, mer waden drop.
de Lück han Trone em Geseech,
mer bruchen all ding Himmelsleech.

Mit dingem Säje bliev uns noh,
ston uns zor Sick em neue Johr,
halt üvver uns och beidse Häng
Un maach der Pandemie en Engk.

Gefällt 0 mal0

Redakteur/in: