Reibekuchenfest der Frechener Klütteköpp

Riefkocheesse für se all

Jestern wo et widder suwigg, de Frechener Klütteköpp, koot FKK jenant, han widder zom alljöhrliche Riefkocheesse enjelade.
Neven dä Burchfaht an der Burgstross wor e groß Zelt objebout. De Desche jemütlich met Äppel, Birre un Herbslaub dekoriert.
De Kleinjärtner vum Rosmarpark woren zahlreich un pünklich vertrodde. Un et durt och janit lang un die eschte Riefkoche woren om Teller.
Se woren hück usse ärch kross un enne zo deck un zo laff, schad.
Am Nomeddach wood et richtich voll. Karnevallsjecke us Bachem, Frechen un Gleuel han ihr Uniforme stolz presänteet.
Un dat Kölsch hät inne all jeschmeck. De FKK - ler woren jot jelaunt un dä Spass am jode Zweck wo inne ahnzusinn. Denn dä Erlös jing jo wie immer an dä Selbije, ich meine " an dä jode Zweck "
Et wod dann esu voll, dat schnell noch e paar Stehdesche opjestellt wote. Om Bürjersteich wo koum noch e Durchkumme.
Pünklich zo de Sportschau wor ich dann Zuhus un han mir nochens de Niederlach vum FC en Mainz anjeluurt.

Et hätt uns widder vill Freud jemaat, un nächs Johr sin mir all widder he.

(mit freundlicher Unterstützung von FrauLiebelein ins Kölsche übersetzt)